បុរសមា្នក់ត្រូវចោរពីរនាក់ស្ទាក់វាយប្លន់យកម៉ូតូទៅបាត់នៅសង្កាត់ចោមចៅ
21-March-2016 | ដោយ មែន កំសត់
ភ្នំពេញ ៖ ចោរពីរនាក់បានវាយបុរសម្នាក់នឹង ស្នាប់កាំភ្លើង និងបាញ់មួយគ្រាប់ប្លន់យកម៉ូតូទៅបាត់ ខណៈពេលជនរងគ្រោះឈប់ម៉ូតូចុះនោមតាមផ្លូវនៅកន្លែងស្ងាត់។ ហេតុការណ៍បានកើតឡើងត្រង់ដីវាលម្តុំលក់ទឹកត្នោតជូរ ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ នៅវេលាយប់ថ្ងៃទី២០ ខែមីនា ឆ្នាំ២០១៦។
សមត្ថកិច្ចបានឲ្យដឹងថាជនរងគ្រោះឈ្មោះ ហិន សុភា អាយុ២៥ឆ្នាំ ស្នាក់នៅភូមិព្រៃល្វា សង្កាត់ចោមចៅ ស្រុកកំណើតនៅស្រុកកោះធំ ខេត្តកណ្តាល ត្រូវក្រុមចោរប្លន់យកម៉ូតូម៉ាកហុងដា C125 ស៊េរីឆ្នាំ២០១៦ ពាក់ស្លាកលេខ ភ្នំពេញ 1FT 1040។ មុនកើតហេតុជនរងគ្រោះជិះម៉ូតូដើរលេង លុះមកដល់ចំណុចកើតហេតុ ក៏ឈប់ចុះនោម ស្រាប់តែជនសង្ស័យមានគ្នាពីរនាក់ ប្រដាប់ដោយកាំភ្លើងខ្លីមួយដើមវាយជនរងគ្រោះមួយស្នាប់កាំភ្លើង និងបាញ់មួយគ្រាប់រួចយកម៉ូតូទៅបាត់។ ក្រោយកើតហេតុកម្លាំងនគរបាលបាននាំជនរងគ្រោះមកកាន់ប៉ុស្តិ៍នគរបាល ដើម្បីសាកសួរបន្ថែមថា តើពិតជាករណីប្លន់ ឬករណីអ្វីផ្សេង៕
ចំនួនអ្នកទស្សនា
- ថ្ងៃនេះ6971
- ម្សិលមិញ15681
- សប្តាហ៍នេះ65811
- ខែនេះ87691
- ឆ្នាំនេះ87691
- សរុប20530147